... Несдичу 4,5 резаны..., № 238

Грамота № 238

... Несъдичеви полъ пѧты рѣзаны, а мънѣ єси въдалъ дъвѣ коунѣ. Чьто же за мъноѭ твориши за мъноѭ осмь коунъ и гривьна? Поиди же въ городъ — могѫ сѧ съ тобоѭ ѧти на водѫ.

Перевод
... [Ты дал] Несдичу четыре с половиной резаны, а мне ты дал две куны. Что же ты утверждаешь, будто за мной восемь кун и гривна? Так пойди в город — могу вызваться с тобой на испытание водой.

Жировит Стояну, № 246

Грамота № 246

От Жировита къ Стоıанови. Како ты оу мене и чьстьноє дрѣво възьмъ и вѣвериць ми не присълеши, то девѧтоє лѣто. А не присълеши ми полоу пѧты гривьны, а хочѫ ти выроути въ тѧ лоучьшаго новъгорожıанина. Посъли же добръмь.

Перевод
От Жировита к Стояну. С тех пор, как ты поклялся мне на кресте и не присылаешь мне денег, идет девятый год. Если же не пришлешь мне четырех с половиной гривен, то я собираюсь за твою вину конфисковать товар у знатнейшего новгородца. Так что, пошли по-доброму.

Семко Кулотке, №105

Грамота № 105

Отъ Сьмъка къ Коулотъцѣ. Оже то єси казалъ Несъдѣ вѣвериць тѣхъ дѣлѧ, коли то єси приходилъ въ Роусь съ Лазъвъкъмь, тъгъдъ възѧлъ оу мене Лазъвъкъ Переѧславли.

Перевод
От Семка к Кулотке. Что ты говорил Несде по поводу денег тех, то когда ты приходил в Русь с Лазовком, тогда взял их у меня Лазовко в Переяславле.

Говенова вдова Неженцу, №2

Грамота №2 из Звенигорода Галицкого

Отъ Говѣновоѣ къ Нѣжьньцю. Даи -s- десѧтъ коунъ лодииноуѭ. Повѣдалъ Говѣнъ, ида на сѫдъ, а попъ пьсалъ. А даи Лоуцѣ. Оли не въдаси, то ıа оу кънѧзıа поима отрокъ, приже приѣдѫ — а въ болѥ ти въниде.

Перевод
От Говеновой (вдовы) к Неженцу. Дай 60 кун за лодку. Так сказал Говен, идя на суд Божий, а поп записывал. Дай их Луке. Если же не дашь, то я, у князя взяв отрока, приеду — это тебе дороже обойдётся.

Местята Гавше и Сдиле, №422

Грамота №422

Отъ Мѣстѧты къ Гавъши и къ Съдилѣ. Попытаита ми конıа. А Мѣстѧта сѧ вама покланıа. Аже ва чьто надобѣ, а сълита къ мънѣ, а грамотѫ въдаита. А оу Павьла скота попросита...

Перевод
От Местяты к Гавше и Сдиле. Поищите для меня коня. А Местята вам шлёт поклон. Если вам что надо, то шлите ко мне [письмо], а [посланному] дайте грамоту. А денег попросите у Павла...

Жизномир Микуле, №109

Грамота №109

Грамота отъ Жизномира къ Микоулѣ. Коупилъ єси робѫ Пльсковѣ, а нынѣ мѧ въ томь ѧла кънѧгыни. А нынѣ сѧ дроужина по мѧ порѫчила. А нынѣ ка посъли къ томоу мѫжеви грамоту: є ли оу него роба? А се ти хочѫ, конь коупивъ и кънѧжъ мѫжъ въсадивъ, та на съводы. А ты атче єси не възѧлъ коунъ тѣхъ, а не ємли ничьто же оу него.

Перевод
Грамота от Жизномира к Микуле. Ты купил рабыню во Пскове, а теперь меня за это схватила княгиня. Но дружина за меня поручилась. А ты теперь пошли к тому мужу грамоту: есть ли у него рабыня? А я вот хочу, коня купив и княжеского мужа посадив [на коня, идти] на очные ставки. А ты, если не взял денег тех, не бери у него ничего.